Jeugdraod Steinder Bök:
De jeugdraod van VV De Steinder Bök ként ein rieke tradisie en woord al in 1957 geformeerd bie de allereerste jeugdprins van Stein: Jeugdprins Wim Penders. De Steinder jeugdraod besteit altied oet bökskes oet de baovenboew van de diverse Steinder basissjwoale. De jeugdraod weurdt geformeerd, geleid en gekleid door de jeugdcommissie van oos vastelaovesvereiniging. Veur de jeugdraod steit sjpass, plezeer en lol veurop. De jeugdraod guldt es verlengstök van de grwoate vastelaovesvereiniging en stélt zich o.a. ten doel ôm kénjer op ein gezellige maneer de vastelaovend te laote beleave, oze jeugdprins te ôngersteune en te begeleiden en baovenal zelf het geveul te höbbe ônmisbaar te zeen veur ‘t behoud van oze vastelaovescultuur.

Want wea de betouvering van vastelaovend op jônge leaftied immers al mitkriegt, is later auch zeker ontvankelijk drveur. De Steinder Bök houpe veural dat op dees maneer ein fundament weurdt gelag veur ein nuuj lichting vastelaovesgekke0, prinsen en optochdeilnummers. De “kleine” raod is bie väöl kénjeractiviteite in het Steinse maer auch daoboete present zwoa wie jeugdzittingen, sjwoalebezeuk en kénjerbals. Natuurlik geit dees feestbende mit op de jeugdprinsewage in de kénjer- en grwoate optochte! Baovendien make weer same altied ein zomeroetstepke.

jeugdraod