Jeugdraod VV de Steinder Bök
De Jeugdraod van VV De Steinder Bök kènt ein rieke tradisie en woort al in 1957 geformeerd bie de allereerste Jeugdprins van Stein: Jeugdprins Wim Penders. De Steinder Jeugdraod besteit altied oet bökskes en geitjes oet de boaveboew van de diverse Steinder basissjwoale. De Jeugdraod weurt geformeerd, geleid en gekleid door de jeugdcommissie van oos Vastelaovesvereiniging. Veur de Jeugdraod steit sjpass, plezeer en lol veurop. De Jeugdraod gult es verlengstök van de grwoate Vastelaovesvereiniging en stèlt zich o.a. ten doel ôm kénjer op ein gezellige maneer de Vastelaovend te laote beleave, oze jeugdprins te ôngersteune en te begeleide en baovenal zelf het geveul te höbbe ônmisbaar te zeen veur ’t behoud van oze Vastelaovescultuur.
Want wea de betouvering van vastelaovend op jônge leaftied immers al mitkrieg, is later auch zeker ontvankelijk d’rveur. De Steinder Bök houpe veural dat op dees maneer ein fundament weurt gelag veur ein nuuj lichting vastelaovesgekke, prinsen en optochdeilnummers. De “kleine” raod is bie väöl kènjeractiviteite in het Steinse, maer auch daoboete present zwoa wie jeugdzittingen, sjwoalebezeuk en kènjerbals. Natuurlik geit dees feestbende mit op de jeugdprinsewage in de kènjer- en grwoate optochte! Baovendien make weer same altied ein zomeroetstepke.
Weer zeen ummer op zeuk nao nuuje leden veur oze Jeugdraod. Liekt dich dat leuk en vènje mam en pap dat auch ein leuk idee? Meld uch dan aan via ôngerstaond formulier.
Vastelaovend same!