Steinder Vastelaovesorde van Verdeenste

De Steinder Vastelaovesorde besteit sinds 2006. De Stichting Maasland promotion organiseerde oet naam van de Steinder Bök ’t Limburgs Vastelaovesleedjes Konkoer. Ein grandioze activiteit mit ein drie daags programma in de tennishal bie ’t zwumbad. Veur aanvang van ’t LVK woort Bert Salden gedecoreerd in dees orde és dank veur ’t bedènke van dit mooie Vastelaovesmonument. Zien nr. “Van Eijsde tot de Mookerhei” waor de eerste winnaar en is auch vandaag nog ein muzikaal monument in de Limburgse Vastelaovesmeziek. De orde weurt neet vaak oetgereik maer es dat gebeurt, dan is dat veur ein oetzonderlijke prestatie, gedaon oet naam van of in deens van de Limburgse Vastelaovend.