Oud-prins Miel I Steevens euverleje.

Vandaag bereikde oos ’t dreuvige berich dat Oud-prins Miel I Steevens is euverleeje. Miel waor prins in ’t sezoen 1983-1984 en volgde letterlijk ziene zoon Christian op, dea ein jaor eerder jeugdprins waor bie de Steinder Bök. Miel waor natuurlijk in de eerste plaats bekènd van de gelieknamige bekkerie Steevens. Nao ’t sjient heat hea de “nonnevot” landelijke bekèndheid bezörg in zien prinsenjaor. Miel waor in zien prinsejaor auch neet vies van ein gooi grap. Wie hea és prins op Vastelaovesdinsdig in Oud-Stein ôntdèk haw dat Sjè de Stas ziene winkel neet hej aafgeslaote, kroop hea mit Wiel en Pie van de wieze raod in ein grwoat bed in de etalaasj van Stassen.

Miel waor same mit zien prinses José aan de Vastelaovesmach, wie de tent van Stein in brand vloog. Miel, de opper Lambèr en de lede van de wieze raod zatte letterlijk alle zeilen bie wonao de Steinder Bök ein weekend later de sjaai kôste goodmaake.

Oos gedachte gaon oet nao José, Christian en Jolanda, Alexander, familie en vrunj.

Miel, eine lètste Alaaf!

Oud-Prins Kees I Paulissen euverleeje

Dit treurige berich is vandaag (12-9-2020) bie de Societé Oud Prinsen (’t SOP) en Vastelaoves Vereiniging de Steinder Bök ontvange. Oud Prins Kees I waor prins van de Steinder Bök in 1968.

Oud-prins Kees I stông in Stein beater bekènd és Keesje van ’t Heukske. Mit zien vrouw Annie waore zie lange tied ’t gezich van Café ’t Heukske aan de Kruusstraot in Stein. Meinig Vastelaovesfeestje is dao geweas. Väöl luuj van Stein zeen dao op stap geweas wie de Dancing ech dancing waor, compleet mit DJ of orkés.

Kees waor de letste prins dea woort oetgerope in de Fanfarezaal. Hea waor dan auch de eerste prins dea aaftraoj in de eerste Tent van Stein. Kees bleef tot op heden lid van ’t SOP en zwoalang zien gezôndheid ’t toeleet waore hea en Annie euveral bie. Dit jaor waor ziene achterkleinzoon Mika I Jeugdprins bie de Steinder Bök. Ein gebäörtenis die hea gelökkig heat maoge mitbeleave.

Oos gedachte gaon oet nao kénjer, kleinkènjer, achterkleinkènjer, femilie en vrujn.

Kees, Alaaf!

Societé Oud Prinsen ’t Sop

Vastelaoves Vereinging de Steinder Bök.

Vastelaovesmès weer ein grwoat succes!

Veur de derde kjér woort in de St. Martinuskirk de jaorlijks Vastelaovesmès gehouwe ônger leiding van Pestwoar Schwillens. Deze hej zich al in eerder oetgaves es eine echte vastelaovesvierder bewezen. Zien deilname aan de oetreuping van de grwoate prins ôngerstreepde zien Vastelaovesgeveul. In ein bômvolle kirk woorte de steken gezeagend en drooge Sjpass Bend Steins Geweld en ’t kwoar van de KBO hun muzikale steintje bie. Ein fantastische ambiance in de kirk en de bevloagenheid van de Pestwoar maakde auch deze mès weer tot ein prachtige beleavenis. Dank daoveur!

Oud Jeugdprins Gerard Killaars overleden

Ônlangs op 10 jannewarie 2020 is auwt- Jeugdprins Gerard Killaars euverleeje.

Gerard Ie  ( Killaars ) waor Jeugdprins in 1967. Saame mit de grwoate Prins Nand I  ( Ubachs ). ‘t Waor ‘t vastelaovesjaor woo-in de Steinder Bök de grwoate iër houw oom de Limburgse Buute-Finale te organizeere in de industriehallen van de firma Aarts. Jeugdprins Gerard I belaefde zien hwoagtepunt tiejes de Kènjeroptocht op vastelaovesmaonjig.

Nuuj adres veur de Prinsereceptie!

Doordat ver oet oos jeske greujde mit oos prinsereceptie heat oos bestuur beslaote de receptie vanaaf 2020 in MFC de Grous te doon. Dao hubbe ver get mjea ruimte en dao kènne oos gaste auch get beater parkere. Weer danke Tommie veur zien jaorelange gastvrieheid en wunsje häöm verder väöl succes mit zien eatcafé.

Weer wunsje uch eine sjieke Vastelaovend!