Vastelaovend 2022 in de startblokken!

/in /door

In de aafgeloupe waeke höbbe VV de Steinder Bök de draod weer opgepak en zeen weer gestart mit de organisasie van ’t kômende sezoen. De veuroetzichte zeen veuralsnog positief en weer höbbe beslaote in te zètte op eine geweldige Vastelaovend. Natuurlijk kieke weer dagelijks nao de aktuele ontwikkelinge en zulle de activiteite wo neudig good euverlag waere mit Gemeinte en euverheden. Sjrief alvas in uche agenda; dônderdig 11-11 de Äopening van de Vastelaovend en vriedig 28 jannewari/ zônjig 30 jannewari Prinseproclematies op ’t Bokkeweekend! Veur noe wunsje weer uch alvas ein fijne vekansie, rös good oet en bereid uch veur op ’t nuut sezoen, dan kump allees good.

Vastelaovend same!

Oud prins Pierre I Schiffers euverleeje

/in /door

Gisteren bereikde oos ‘t berich dat Oud Prins Pierre I Schiffers is euverleeje. Dit berich is auch bie Vastelaoves Vereiniging de Steinder Bök mit dreufenis ontvange. Oud Prins Pierre I waor prins in 1980, same mit jeugdprins Raymond I van der Honing. Pierre waor slechter van beroop en kaom mit zien oetreuping oet eine grwoate salami. Zien dochters Joyce en Steffie zouwe later dansmarietjes weare bie de Steinder Bök. Ziene kleinzoon Jules I waor in 2012 jeugdprins.

Oud prins Pierre I volgde oud prins Thei I Hanckman op es prins van de Steinder Bök. In ein bômvolle fjéstent woort hea op de galazitting oetgerope.

Oos gedachte gaon oet nao zien kénjer en kleinkénjer, familie en vrujn.

Pierre, eine lètste alaaf!

Vastelaoves Vereinging de Steinder Bök