Oud Prins Jan II Dassen euverleeje

Dit berich is bie de Sociëtee Oud Prinsen (’t SOP) en Vastelaoves Vereiniging de Steinder Bök mit dreufenis ontvange. Oud Prins Jan II waor jubileumprins van de Steinder Bök in 1981.

Oud prins Jan II volgde Pierre Schiffers op in ’t jaor dat de Steinder Bök hun 4 x 11- jaorig jubileum vierden. Hea woort oetgerope in ein bomvolle feesttent en ging Stein veur in de Vastelaovend.

’t Verlees van zien geleefde Wilma en zien broze gezondheid woorte häöm oeteindelik fataal.

Oos gedachte gaon oet nao kénjer en kleinkénjer.

Jan, Alaaf!

Sociëtee Oud Prinsen ’t Sop

Vastelaoves Vereinging de Steinder Bök.

1981 Jan II Dassen

Boegbeeld van de Steinder Garde Sjé Stassen euverleeje

Vandaag bereikde oos ’t dreuvige berich dat Oud Prins Sjé Stassen (prins 1974) is euverleeje. Alhoewel al einige tied mit zien broze gezôndheid aan ’t sukkele, hèjje weer dit toch neet zeen aankôme. Sjé waor prins bie de Steinder Bök in ’t jaor 1974. Hea woort begeleid door zien prinses Miep en opperbok Sjair op de Camp. Nao zien prinssjap richde hea de Steinder Garde op. Ein vereiniging wovan hea tot op heden de trotse President waor. Ônger zien bezielende en neet aaflaotende drievende krach wis hea de vereiniging neet allein springleavend te houwe mer auch luuj ôm zich hear te verzamele die de Steinder Garde op ein ongeluifelikke maneer höbbe neergezat. In ’t aafgeloupe Jubileumjaor is Sjé mit “zien” Steinder Garde daorom ingesjreve in ’t Gouwe Book van de Steinder Bök. Sjé, bedank veur alles! Weer wunsje Miep, de kénjer en de kleinkénjer väöl sterkte mit dit verlees.

Sje Gouwe Book

Steinder Garde ingesjreve in ’t Gouwe Book.

In ’t aafgeloupe Bokkeweekend is aan ’t eind van de Jubileumrecepsie nog ein échte verrassing langsgekóme. Bestuur en leden van de Steinder Bök höbbe de Steinder Garde toen ingesjreve in ’t Gouwe Book. Dees insjrieving is de hwoagste óngersjeiïng die de Steinder Bök te vergeave höbbe. Ze is toegekènd ómdat de vereiniging van meining is dat de biedrage van de Steinder Garde aan de Vastelaovend van Stein ein ónmisbaar óngerdeil gewore is en dat hun óngersteuning en aanwezigheid bie alle proclematies van prinsen in Stein ónmisbaar is. De Steinder Garde waor volkomen verras en heat zien waardering oetgespraoke veur de Jér die ze hie-mit gekreege höbbe.

DSC_0688 DSC_0689 DSC_0690